2014年8月5日 星期二

超級真台騷:沒台大翻身

一年一度嘅真人騷又嚟啦!全新真台騷《沒台大翻身》現已推出。睇吓沒台有咩睇頭。

1. 大懶台大C

背景:一台獨大
衰咩:十級懶
特徵:一台獨大、毫無建樹、一事無成。做嘢三分鐘熱度,抄嘢就抄九萬幾分鐘。冇乜競爭下靠慣性收視養大自己,成日淨係識坐喺梳化食老本,一啲創作力都冇。

2. 公主癌細C

背景:城中霸皇
衰咩:掹咗喉嘅嚴重公主病
特徵:極度野蠻,淨係識製造埋啲膠劇,使死啲藝員,仲要人工賤到死,覺得做電視就梗係使死人享福自己唔使做。

3. 港欄殺人T

背景:勁霸道,人哋要開台就兇人哋,要司法覆核,人哋開唔成台就做埋啲廢特輯,扮持平實質好鬼惡毒,嚇走唔少觀眾走咗
衰咩:惡死
特徵:生人勿近,滿口君子,內心惡毒,好小家,藝人見到都要閃避,最好唔出聲。

4. 新香港台阿V

背景:維穩,擁護新移民,靠大陸力爭上游
衰咩:媚權戀共
特徵:以為自己好叻,但同時又唔知道自己唔多有「時代感」,做埋啲膠劇抹黑香港人,偏幫大陸人,連義補陳校長都頂唔順發聲名澄清,話自己唔似新香港台咁睇唔起保安,或者要靠大陸富二代打救義補大業。

5. 箭豬惡台阿B

背景:電視台紀錄係節目開始10分鐘就可以得罪全香港一半觀眾
衰咩:劇本冇腦、真人騷造假、販賣人哋PK嘅故事
特徵:得罪人多,稱呼人少,專講香港觀眾唔啱聽嘅嘢,專講親共人士啱聽嘅嘢

6. 失戀新聞台阿收

背景:本來有質素有持平有靚女主播,但唔知邊年俾人兇一兇後,好似世界末日咁,一沉不起,變咗極度維穩,成日見到張融出沒
衰咩:自暴自棄,冇腰骨
特徵:畀人兇一兇後就乜好嘢好新聞都唔做,齋係播下啲示威衝突場面,特寫示威者,不問前因後果,畀人鬧足幾年。靠阿爺養,而家變咗做大維穩台,無晒生命力,越嚟越似大陸台、北韓台。

7. 極品沒台:阿皮

背景:好陰功豬,係沒台節目中最醜嘅一個,竟然醜到要搵記者扮參與者同專家,畀高登踢爆。
衰咩:醜
特徵:覺得自己由細開始唔知醜到大,好自卑,最大希望係可以試下變靚,唔係靠睇人PK搶收視,而係做一個好節目贏收視。

咁咩叫「沒台」?呢個term由今日開始成為本地潮語,代表:沒創意、沒廉恥、沒活力、沒新聞、沒風度、沒競爭。而家講緊唔係七個末台,係一個末台有晒大C、細C、阿T、阿V、阿B、阿收同阿皮七大極品於一身嘅超級末台,究竟一眾電視台導師點樣打救佢?定係結果都係「算X數,執Y咗佢」呢?

記得密切留意每日上演的真台騷:沒台大翻身!